Bhaktivedanta Library


Library Home Śrīla Prabhupāda ISKCON Languages English Español Pусский Português English - Español English - Pусский English - Português Español - Pусский Español - Português Pусский - Português Authors Books Basics Reference Essays Narrative by Ācaryas Philosophical by Ācaryas By Śrīla Prabhupāda The Great Classics About Śrīla Prabhupāda Narrative by Prabhupāda's Disciples Philosophical by Prabhupāda's Disciples Magazines All the Library Websites ISKCON Virtual Temple Virtual Istagosthi Vaiṣṇava Calendar Kṛṣṇa West

Śrīmad-Bhāgavatam
Canto 8 - Withdrawal of the Cosmic Creations
<< 1 - The Manus, Administrators of the Universe >>

Index

Transliteration

Devanagari

Description


8.1.1		śrī-rājovāca svāyambhuvasyeha guro vaṁśo ’yaṁ vistarāc chrutaḥ yatra viśva-sṛjāṁ sargo manūn anyān vadasva naḥ
8.1.2		manvantare harer janma karmāṇi ca mahīyasaḥ gṛṇanti kavayo brahmaṁs tāni no vada śṛṇvatām
8.1.3		yad yasminn antare brahman bhagavān viśva-bhāvanaḥ kṛtavān kurute kartā hy atīte ’nāgate ’dya vā
8.1.4		śrī-ṛṣir uvāca manavo ’smin vyatītāḥ ṣaṭ kalpe svāyambhuvādayaḥ ādyas te kathito yatra devādīnāṁ ca sambhavaḥ
8.1.5		ākūtyāṁ devahūtyāṁ ca duhitros tasya vai manoḥ dharma-jñānopadeśārthaṁ bhagavān putratāṁ gataḥ
8.1.6		kṛtaṁ purā bhagavataḥ kapilasyānuvarṇitam ākhyāsye bhagavān yajño yac cakāra kurūdvaha
8.1.7		viraktaḥ kāma-bhogeṣu śatarūpā-patiḥ prabhuḥ visṛjya rājyaṁ tapase sabhāryo vanam āviśat
8.1.8		sunandāyāṁ varṣa-śataṁ padaikena bhuvaṁ spṛśan tapyamānas tapo ghoram idam anvāha bhārata
8.1.9		śrī-manur uvāca yena cetayate viśvaṁ viśvaṁ cetayate na yam yo jāgarti śayāne ’smin nāyaṁ taṁ veda veda saḥ
8.1.10		ātmāvāsyam idaṁ viśvaṁ yat kiñcij jagatyāṁ jagat tena tyaktena bhuñjīthā mā gṛdhaḥ kasya svid dhanam
8.1.11		yaṁ paśyati na paśyantaṁ cakṣur yasya na riṣyati taṁ bhūta-nilayaṁ devaṁ suparṇam upadhāvata
8.1.12		na yasyādy-antau madhyaṁ ca svaḥ paro nāntaraṁ bahiḥ viśvasyāmūni yad yasmād viśvaṁ ca tad ṛtaṁ mahat
8.1.13		sa viśva-kāyaḥ puru-hūta-īśaḥ satyaḥ svayaṁ-jyotir ajaḥ purāṇaḥ dhatte ’sya janmādy-ajayātma-śaktyā tāṁ vidyayodasya nirīha āste
8.1.14		athāgre ṛṣayaḥ karmāṇ- īhante ’karma-hetave īhamāno hi puruṣaḥ prāyo ’nīhāṁ prapadyate
8.1.15		īhate bhagavān īśo na hi tatra visajjate ātma-lābhena pūrṇārtho nāvasīdanti ye ’nu tam
8.1.16		tam īhamānaṁ nirahaṅkṛtaṁ budhaṁ nirāśiṣaṁ pūrṇam ananya-coditam nṝñ śikṣayantaṁ nija-vartma-saṁsthitaṁ prabhuṁ prapadye ’khila-dharma-bhāvanam
8.1.17		śrī-śuka uvāca iti mantropaniṣadaṁ vyāharantaṁ samāhitam dṛṣṭvāsurā yātudhānā jagdhum abhyadravan kṣudhā
8.1.18		tāṁs tathāvasitān vīkṣya yajñaḥ sarva-gato hariḥ yāmaiḥ parivṛto devair hatvāśāsat tri-viṣṭapam
8.1.19		svārociṣo dvitīyas tu manur agneḥ suto ’bhavat dyumat-suṣeṇa-rociṣmat pramukhās tasya cātmajāḥ
8.1.20		tatrendro rocanas tv āsīd devāś ca tuṣitādayaḥ ūrja-stambhādayaḥ sapta ṛṣayo brahma-vādinaḥ
8.1.21		ṛṣes tu vedaśirasas tuṣitā nāma patny abhūt tasyāṁ jajñe tato devo vibhur ity abhiviśrutaḥ
8.1.22		aṣṭāśīti-sahasrāṇi munayo ye dhṛta-vratāḥ anvaśikṣan vrataṁ tasya kaumāra-brahmacāriṇaḥ
8.1.23		tṛtīya uttamo nāma priyavrata-suto manuḥ pavanaḥ sṛñjayo yajña- hotrādyās tat-sutā nṛpa
8.1.24		vasiṣṭha-tanayāḥ sapta ṛṣayaḥ pramadādayaḥ satyā vedaśrutā bhadrā devā indras tu satyajit
8.1.25		dharmasya sūnṛtāyāṁ tu bhagavān puruṣottamaḥ satyasena iti khyāto jātaḥ satyavrataiḥ saha
8.1.26		so ’nṛta-vrata-duḥśīlān asato yakṣa-rākṣasān bhūta-druho bhūta-gaṇāṁś cāvadhīt satyajit-sakhaḥ
8.1.27		caturtha uttama-bhrātā manur nāmnā ca tāmasaḥ pṛthuḥ khyātir naraḥ ketur ity ādyā daśa tat-sutāḥ
8.1.28		satyakā harayo vīrā devās triśikha īśvaraḥ jyotirdhāmādayaḥ sapta ṛṣayas tāmase ’ntare
8.1.29		devā vaidhṛtayo nāma vidhṛtes tanayā nṛpa naṣṭāḥ kālena yair vedā vidhṛtāḥ svena tejasā
8.1.30		tatrāpi jajñe bhagavān hariṇyāṁ harimedhasaḥ harir ity āhṛto yena gajendro mocito grahāt
8.1.31		śrī-rājovāca bādarāyaṇa etat te śrotum icchāmahe vayam harir yathā gaja-patiṁ grāha-grastam amūmucat
8.1.32		tat-kathāsu mahat puṇyaṁ dhanyaṁ svastyayanaṁ śubham yatra yatrottamaśloko bhagavān gīyate hariḥ
8.1.33		śrī-sūta uvāca parīkṣitaivaṁ sa tu bādarāyaṇiḥ prāyopaviṣṭena kathāsu coditaḥ uvāca viprāḥ pratinandya pārthivaṁ mudā munīnāṁ sadasi sma śṛṇvatām

Donate to Bhaktivedanta Library