Library  
Home Śrīla Prabhupāda ISKCON
Languages  
English Español Pусский Português
English - Español English - Pусский English - Português Español - Pусский Español - Português Pусский - Português
Authors  
Books  
Basics Reference Essays Narrative by Ācaryas Philosophical by Ācaryas By Śrīla Prabhupāda The Great Classics About Śrīla Prabhupāda Narrative by Prabhupāda's Disciples Philosophical by Prabhupāda's Disciples Magazines
All the Library
Websites
ISKCON Virtual Temple Virtual Istagosthi Vaiṣṇava Calendar Kṛṣṇa West
Śrīmad-Bhāgavatam
Canto 7 - The Science of God
<< 7 - What Prahlāda Learned in the Womb >>

    Index        Transliteration        Devanagari        Description    
7.7.1śrī-nārada uvāca evaṁ daitya-sutaiḥ pṛṣṭo mahā-bhāgavato ’suraḥ uvāca tān smayamānaḥ smaran mad-anubhāṣitam
7.7.2śrī-prahrāda uvāca pitari prasthite ’smākaṁ tapase mandarācalam yuddhodyamaṁ paraṁ cakrur vibudhā dānavān prati
7.7.3pipīlikair ahir iva diṣṭyā lokopatāpanaḥ pāpena pāpo ’bhakṣīti vadanto vāsavādayaḥ
7.7.4-5teṣām atibalodyogaṁ niśamyāsura-yūthapāḥ vadhyamānāḥ surair bhītā dudruvuḥ sarvato diśam kalatra-putra-vittāptān gṛhān paśu-paricchadān nāvekṣyamāṇās tvaritāḥ sarve prāṇa-parīpsavaḥ
7.7.6vyalumpan rāja-śibiram amarā jaya-kāṅkṣiṇaḥ indras tu rāja-mahiṣīṁ mātaraṁ mama cāgrahīt
7.7.7nīyamānāṁ bhayodvignāṁ rudatīṁ kurarīm iva yadṛcchayāgatas tatra devarṣir dadṛśe pathi
7.7.8prāha naināṁ sura-pate netum arhasy anāgasam muñca muñca mahā-bhāga satīṁ para-parigraham
7.7.9śrī-indra uvāca āste ’syā jaṭhare vīryam aviṣahyaṁ sura-dviṣaḥ āsyatāṁ yāvat prasavaṁ mokṣye ’rtha-padavīṁ gataḥ
7.7.10śrī-nārada uvāca ayaṁ niṣkilbiṣaḥ sākṣān mahā-bhāgavato mahān tvayā na prāpsyate saṁsthām anantānucaro balī
7.7.11ity uktas tāṁ vihāyendro devarṣer mānayan vacaḥ ananta-priya-bhaktyaināṁ parikramya divaṁ yayau
7.7.12tato me mātaram ṛṣiḥ samānīya nijāśrame āśvāsyehoṣyatāṁ vatse yāvat te bhartur āgamaḥ
7.7.13tathety avātsīd devarṣer antike sākuto-bhayā yāvad daitya-patir ghorāt tapaso na nyavartata
7.7.14ṛṣiṁ paryacarat tatra bhaktyā paramayā satī antarvatnī sva-garbhasya kṣemāyecchā-prasūtaye
7.7.15ṛṣiḥ kāruṇikas tasyāḥ prādād ubhayam īśvaraḥ dharmasya tattvaṁ jñānaṁ ca mām apy uddiśya nirmalam
7.7.16tat tu kālasya dīrghatvāt strītvān mātus tirodadhe ṛṣiṇānugṛhītaṁ māṁ nādhunāpy ajahāt smṛtiḥ
7.7.17bhavatām api bhūyān me yadi śraddadhate vacaḥ vaiśāradī dhīḥ śraddhātaḥ strī-bālānāṁ ca me yathā
7.7.18janmādyāḥ ṣaḍ ime bhāvā dṛṣṭā dehasya nātmanaḥ phalānām iva vṛkṣasya kāleneśvara-mūrtinā
7.7.19-20ātmā nityo ’vyayaḥ śuddha ekaḥ kṣetra-jña āśrayaḥ avikriyaḥ sva-dṛg hetur vyāpako ’saṅgy anāvṛtaḥ etair dvādaśabhir vidvān ātmano lakṣaṇaiḥ paraiḥ ahaṁ mamety asad-bhāvaṁ dehādau mohajaṁ tyajet
7.7.21svarṇaṁ yathā grāvasu hema-kāraḥ kṣetreṣu yogais tad-abhijña āpnuyāt kṣetreṣu deheṣu tathātma-yogair adhyātma-vid brahma-gatiṁ labheta
7.7.22aṣṭau prakṛtayaḥ proktās traya eva hi tad-guṇāḥ vikārāḥ ṣoḍaśācāryaiḥ pumān ekaḥ samanvayāt
7.7.23dehas tu sarva-saṅghāto jagat tasthur iti dvidhā atraiva mṛgyaḥ puruṣo neti netīty atat tyajan
7.7.24anvaya-vyatirekeṇa vivekenośatātmanā svarga-sthāna-samāmnāyair vimṛśadbhir asatvaraiḥ
7.7.25buddher jāgaraṇaṁ svapnaḥ suṣuptir iti vṛttayaḥ tā yenaivānubhūyante so ’dhyakṣaḥ puruṣaḥ paraḥ
7.7.26ebhis tri-varṇaiḥ paryastair buddhi-bhedaiḥ kriyodbhavaiḥ svarūpam ātmano budhyed gandhair vāyum ivānvayāt
7.7.27etad dvāro hi saṁsāro guṇa-karma-nibandhanaḥ ajñāna-mūlo ’pārtho ’pi puṁsaḥ svapna ivārpyate
7.7.28tasmād bhavadbhiḥ kartavyaṁ karmaṇāṁ tri-guṇātmanām bīja-nirharaṇaṁ yogaḥ pravāhoparamo dhiyaḥ
7.7.29tatropāya-sahasrāṇām ayaṁ bhagavatoditaḥ yad īśvare bhagavati yathā yair añjasā ratiḥ
7.7.30-31guru-śuśrūṣayā bhaktyā sarva-labdhārpaṇena ca saṅgena sādhu-bhaktānām īśvarārādhanena ca śraddhayā tat-kathāyāṁ ca kīrtanair guṇa-karmaṇām tat-pādāmburuha-dhyānāt tal-liṅgekṣārhaṇādibhiḥ
7.7.32hariḥ sarveṣu bhūteṣu bhagavān āsta īśvaraḥ iti bhūtāni manasā kāmais taiḥ sādhu mānayet
7.7.33evaṁ nirjita-ṣaḍ-vargaiḥ kriyate bhaktir īśvare vāsudeve bhagavati yayā saṁlabhyate ratiḥ
7.7.34niśamya karmāṇi guṇān atulyān vīryāṇi līlā-tanubhiḥ kṛtāni yadātiharṣotpulakāśru-gadgadaṁ protkaṇṭha udgāyati rauti nṛtyati
7.7.35yadā graha-grasta iva kvacid dhasaty ākrandate dhyāyati vandate janam muhuḥ śvasan vakti hare jagat-pate nārāyaṇety ātma-matir gata-trapaḥ
7.7.36tadā pumān mukta-samasta-bandhanas tad-bhāva-bhāvānukṛtāśayākṛtiḥ nirdagdha-bījānuśayo mahīyasā bhakti-prayogeṇa samety adhokṣajam
7.7.37adhokṣajālambham ihāśubhātmanaḥ śarīriṇaḥ saṁsṛti-cakra-śātanam tad brahma-nirvāṇa-sukhaṁ vidur budhās tato bhajadhvaṁ hṛdaye hṛd-īśvaram
7.7.38ko ’ti-prayāso ’sura-bālakā harer upāsane sve hṛdi chidravat sataḥ svasyātmanaḥ sakhyur aśeṣa-dehināṁ sāmānyataḥ kiṁ viṣayopapādanaiḥ
7.7.39rāyaḥ kalatraṁ paśavaḥ sutādayo gṛhā mahī kuñjara-kośa-bhūtayaḥ sarve ’rtha-kāmāḥ kṣaṇa-bhaṅgurāyuṣaḥ kurvanti martyasya kiyat priyaṁ calāḥ
7.7.40evaṁ hi lokāḥ kratubhiḥ kṛtā amī kṣayiṣṇavaḥ sātiśayā na nirmalāḥ tasmād adṛṣṭa-śruta-dūṣaṇaṁ paraṁ bhaktyoktayeśaṁ bhajatātma-labdhaye
7.7.41yad-artha iha karmāṇi vidvan-māny asakṛn naraḥ karoty ato viparyāsam amoghaṁ vindate phalam
7.7.42sukhāya duḥkha-mokṣāya saṅkalpa iha karmiṇaḥ sadāpnotīhayā duḥkham anīhāyāḥ sukhāvṛtaḥ
7.7.43kāmān kāmayate kāmyair yad-artham iha pūruṣaḥ sa vai dehas tu pārakyo bhaṅguro yāty upaiti ca
7.7.44kim u vyavahitāpatya- dārāgāra-dhanādayaḥ rājya-kośa-gajāmātya- bhṛtyāptā mamatāspadāḥ
7.7.45kim etair ātmanas tucchaiḥ saha dehena naśvaraiḥ anarthair artha-saṅkāśair nityānanda-rasodadheḥ
7.7.46nirūpyatām iha svārthaḥ kiyān deha-bhṛto ’surāḥ niṣekādiṣv avasthāsu kliśyamānasya karmabhiḥ
7.7.47karmāṇy ārabhate dehī dehenātmānuvartinā karmabhis tanute deham ubhayaṁ tv avivekataḥ
7.7.48tasmād arthāś ca kāmāś ca dharmāś ca yad-apāśrayāḥ bhajatānīhayātmānam anīhaṁ harim īśvaram
7.7.49sarveṣām api bhūtānāṁ harir ātmeśvaraḥ priyaḥ bhūtair mahadbhiḥ sva-kṛtaiḥ kṛtānāṁ jīva-saṁjñitaḥ
7.7.50devo ’suro manuṣyo vā yakṣo gandharva eva vā bhajan mukunda-caraṇaṁ svastimān syād yathā vayam
7.7.51-52nālaṁ dvijatvaṁ devatvam ṛṣitvaṁ vāsurātmajāḥ prīṇanāya mukundasya na vṛttaṁ na bahu-jñatā na dānaṁ na tapo nejyā na śaucaṁ na vratāni ca prīyate ’malayā bhaktyā harir anyad viḍambanam
7.7.53tato harau bhagavati bhaktiṁ kuruta dānavāḥ ātmaupamyena sarvatra sarva-bhūtātmanīśvare
7.7.54daiteyā yakṣa-rakṣāṁsi striyaḥ śūdrā vrajaukasaḥ khagā mṛgāḥ pāpa-jīvāḥ santi hy acyutatāṁ gatāḥ
7.7.55etāvān eva loke ’smin puṁsaḥ svārthaḥ paraḥ smṛtaḥ ekānta-bhaktir govinde yat sarvatra tad-īkṣaṇam
<< Anterior | Siguiente >>
Otros idiomas:
     		Pares de idiomas:
     		Clases en Audio/video:>
 Obtener libro:


 Copyright:
Help:
Donate to Bhaktivedanta Library