Bhaktivedanta Library


Library Home Śrīla Prabhupāda ISKCON Languages English Español Pусский Português English - Español English - Pусский English - Português Español - Pусский Español - Português Pусский - Português Authors Books Basics Reference Essays Narrative by Ācaryas Philosophical by Ācaryas By Śrīla Prabhupāda The Great Classics About Śrīla Prabhupāda Narrative by Prabhupāda's Disciples Philosophical by Prabhupāda's Disciples Magazines All the Library Websites ISKCON Virtual Temple Virtual Istagosthi Vaiṣṇava Calendar Kṛṣṇa West

Śrīmad-Bhāgavatam
Canto 6 - Prescribed Duties for Mankind
<< 1 - The History of the Life of Ajāmila >>

Index

Transliteration

Devanagari

Description


6.1.1		śrī-parīkṣid uvāca nivṛtti-mārgaḥ kathita ādau bhagavatā yathā krama-yogopalabdhena brahmaṇā yad asaṁsṛtiḥ
6.1.2		pravṛtti-lakṣaṇaś caiva traiguṇya-viṣayo mune yo ’sāv alīna-prakṛter guṇa-sargaḥ punaḥ punaḥ
6.1.3		adharma-lakṣaṇā nānā narakāś cānuvarṇitāḥ manvantaraś ca vyākhyāta ādyaḥ svāyambhuvo yataḥ
6.1.4-5		priyavratottānapador vaṁśas tac-caritāni ca dvīpa-varṣa-samudrādri- nady-udyāna-vanaspatīn dharā-maṇḍala-saṁsthānaṁ bhāga-lakṣaṇa-mānataḥ jyotiṣāṁ vivarāṇāṁ ca yathedam asṛjad vibhuḥ
6.1.6		adhuneha mahā-bhāga yathaiva narakān naraḥ nānogra-yātanān neyāt tan me vyākhyātum arhasi
6.1.7		śrī-śuka uvāca na ced ihaivāpacitiṁ yathāṁhasaḥ kṛtasya kuryān mana-ukta-pāṇibhiḥ dhruvaṁ sa vai pretya narakān upaiti ye kīrtitā me bhavatas tigma-yātanāḥ
6.1.8		tasmāt puraivāśv iha pāpa-niṣkṛtau yateta mṛtyor avipadyatātmanā doṣasya dṛṣṭvā guru-lāghavaṁ yathā bhiṣak cikitseta rujāṁ nidānavit
6.1.9		śrī-rājovāca dṛṣṭa-śrutābhyāṁ yat pāpaṁ jānann apy ātmano ’hitam karoti bhūyo vivaśaḥ prāyaścittam atho katham
6.1.10		kvacin nivartate ’bhadrāt kvacic carati tat punaḥ prāyaścittam atho ’pārthaṁ manye kuñjara-śaucavat
6.1.11		śrī-bādarāyaṇir uvāca karmaṇā karma-nirhāro na hy ātyantika iṣyate avidvad-adhikāritvāt prāyaścittaṁ vimarśanam
6.1.12		nāśnataḥ pathyam evānnaṁ vyādhayo ’bhibhavanti hi evaṁ niyamakṛd rājan śanaiḥ kṣemāya kalpate
6.1.13-14		tapasā brahmacaryeṇa śamena ca damena ca tyāgena satya-śaucābhyāṁ yamena niyamena vā deha-vāg-buddhijaṁ dhīrā dharmajñāḥ śraddhayānvitāḥ kṣipanty aghaṁ mahad api veṇu-gulmam ivānalaḥ
6.1.15		kecit kevalayā bhaktyā vāsudeva-parāyaṇāḥ aghaṁ dhunvanti kārtsnyena nīhāram iva bhāskaraḥ
6.1.16		na tathā hy aghavān rājan pūyeta tapa-ādibhiḥ yathā kṛṣṇārpita-prāṇas tat-puruṣa-niṣevayā
6.1.17		sadhrīcīno hy ayaṁ loke panthāḥ kṣemo ’kuto-bhayaḥ suśīlāḥ sādhavo yatra nārāyaṇa-parāyaṇāḥ
6.1.18		prāyaścittāni cīrṇāni nārāyaṇa-parāṅmukham na niṣpunanti rājendra surā-kumbham ivāpagāḥ
6.1.19		sakṛn manaḥ kṛṣṇa-padāravindayor niveśitaṁ tad-guṇa-rāgi yair iha na te yamaṁ pāśa-bhṛtaś ca tad-bhaṭān svapne ’pi paśyanti hi cīrṇa-niṣkṛtāḥ
6.1.20		atra codāharantīmam itihāsaṁ purātanam dūtānāṁ viṣṇu-yamayoḥ saṁvādas taṁ nibodha me
6.1.21		kānyakubje dvijaḥ kaścid dāsī-patir ajāmilaḥ nāmnā naṣṭa-sadācāro dāsyāḥ saṁsarga-dūṣitaḥ
6.1.22		bandy-akṣaiḥ kaitavaiś cauryair garhitāṁ vṛttim āsthitaḥ bibhrat kuṭumbam aśucir yātayām āsa dehinaḥ
6.1.23		evaṁ nivasatas tasya lālayānasya tat-sutān kālo ’tyagān mahān rājann aṣṭāśītyāyuṣaḥ samāḥ
6.1.24		tasya pravayasaḥ putrā daśa teṣāṁ tu yo ’vamaḥ bālo nārāyaṇo nāmnā pitroś ca dayito bhṛśam
6.1.25		sa baddha-hṛdayas tasminn arbhake kala-bhāṣiṇi nirīkṣamāṇas tal-līlāṁ mumude jaraṭho bhṛśam
6.1.26		bhuñjānaḥ prapiban khādan bālakaṁ sneha-yantritaḥ bhojayan pāyayan mūḍho na vedāgatam antakam
6.1.27		sa evaṁ vartamāno ’jño mṛtyu-kāla upasthite matiṁ cakāra tanaye bāle nārāyaṇāhvaye
6.1.28-29		sa pāśa-hastāṁs trīn dṛṣṭvā puruṣān ati-dāruṇān vakra-tuṇḍān ūrdhva-romṇa ātmānaṁ netum āgatān dūre krīḍanakāsaktaṁ putraṁ nārāyaṇāhvayam plāvitena svareṇoccair ājuhāvākulendriyaḥ
6.1.30		niśamya mriyamāṇasya mukhato hari-kīrtanam bhartur nāma mahārāja pārṣadāḥ sahasāpatan
6.1.31		vikarṣato ’ntar hṛdayād dāsī-patim ajāmilam yama-preṣyān viṣṇudūtā vārayām āsur ojasā
6.1.32		ūcur niṣedhitās tāṁs te vaivasvata-puraḥsarāḥ ke yūyaṁ pratiṣeddhāro dharma-rājasya śāsanam
6.1.33		kasya vā kuta āyātāḥ kasmād asya niṣedhatha kiṁ devā upadevā yā yūyaṁ kiṁ siddha-sattamāḥ
6.1.34-36		sarve padma-palāśākṣāḥ pīta-kauśeya-vāsasaḥ kirīṭinaḥ kuṇḍalino lasat-puṣkara-mālinaḥ sarve ca nūtna-vayasaḥ sarve cāru-caturbhujāḥ dhanur-niṣaṅgāsi-gadā- śaṅkha-cakrāmbuja-śriyaḥ diśo vitimirālokāḥ kurvantaḥ svena tejasā kim arthaṁ dharma-pālasya kiṅkarān no niṣedhatha
6.1.37		śrī-śuka uvāca ity ukte yamadūtais te vāsudevokta-kāriṇaḥ tān pratyūcuḥ prahasyedaṁ megha-nirhrādayā girā
6.1.38		śrī-viṣṇudūtā ūcuḥ yūyaṁ vai dharma-rājasya yadi nirdeśa-kāriṇaḥ brūta dharmasya nas tattvaṁ yac cādharmasya lakṣaṇam
6.1.39		kathaṁ svid dhriyate daṇḍaḥ kiṁ vāsya sthānam īpsitam daṇḍyāḥ kiṁ kāriṇaḥ sarve āho svit katicin nṛṇām
6.1.40		yamadūtā ūcuḥ veda-praṇihito dharmo hy adharmas tad-viparyayaḥ vedo nārāyaṇaḥ sākṣāt svayambhūr iti śuśruma
6.1.41		yena sva-dhāmny amī bhāvā rajaḥ-sattva-tamomayāḥ guṇa-nāma-kriyā-rūpair vibhāvyante yathā-tatham
6.1.42		sūryo ’gniḥ khaṁ marud devaḥ somaḥ sandhyāhanī diśaḥ kaṁ kuḥ svayaṁ dharma iti hy ete daihyasya sākṣiṇaḥ
6.1.43		etair adharmo vijñātaḥ sthānaṁ daṇḍasya yujyate sarve karmānurodhena daṇḍam arhanti kāriṇaḥ
6.1.44		sambhavanti hi bhadrāṇi viparītāni cānaghāḥ kāriṇāṁ guṇa-saṅgo ’sti dehavān na hy akarma-kṛt
6.1.45		yena yāvān yathādharmo dharmo veha samīhitaḥ sa eva tat-phalaṁ bhuṅkte tathā tāvad amutra vai
6.1.46		yatheha deva-pravarās trai-vidhyam upalabhyate bhūteṣu guṇa-vaicitryāt tathānyatrānumīyate
6.1.47		vartamāno ’nyayoḥ kālo guṇābhijñāpako yathā evaṁ janmānyayor etad dharmādharma-nidarśanam
6.1.48		manasaiva pure devaḥ pūrva-rūpaṁ vipaśyati anumīmāṁsate ’pūrvaṁ manasā bhagavān ajaḥ
6.1.49		yathājñas tamasā yukta upāste vyaktam eva hi na veda pūrvam aparaṁ naṣṭa-janma-smṛtis tathā
6.1.50		pañcabhiḥ kurute svārthān pañca vedātha pañcabhiḥ ekas tu ṣoḍaśena trīn svayaṁ saptadaśo ’śnute
6.1.51		tad etat ṣoḍaśa-kalaṁ liṅgaṁ śakti-trayaṁ mahat dhatte ’nusaṁsṛtiṁ puṁsi harṣa-śoka-bhayārtidām
6.1.52		dehy ajño ’jita-ṣaḍ-vargo necchan karmāṇi kāryate kośakāra ivātmānaṁ karmaṇācchādya muhyati
6.1.53		na hi kaścit kṣaṇam api jātu tiṣṭhaty akarma-kṛt kāryate hy avaśaḥ karma guṇaiḥ svābhāvikair balāt
6.1.54		labdhvā nimittam avyaktaṁ vyaktāvyaktaṁ bhavaty uta yathā-yoni yathā-bījaṁ svabhāvena balīyasā
6.1.55		eṣa prakṛti-saṅgena puruṣasya viparyayaḥ āsīt sa eva na cirād īśa-saṅgād vilīyate
6.1.56-57		ayaṁ hi śruta-sampannaḥ śīla-vṛtta-guṇālayaḥ dhṛta-vrato mṛdur dāntaḥ satya-vāṅ mantra-vic chuciḥ gurv-agny-atithi-vṛddhānāṁ śuśrūṣur anahaṅkṛtaḥ sarva-bhūta-suhṛt sādhur mita-vāg anasūyakaḥ
6.1.58-60		ekadāsau vanaṁ yātaḥ pitṛ-sandeśa-kṛd dvijaḥ ādāya tata āvṛttaḥ phala-puṣpa-samit-kuśān dadarśa kāminaṁ kañcic chūdraṁ saha bhujiṣyayā pītvā ca madhu maireyaṁ madāghūrṇita-netrayā mattayā viślathan-nīvyā vyapetaṁ nirapatrapam krīḍantam anugāyantaṁ hasantam anayāntike
6.1.61		dṛṣṭvā tāṁ kāma-liptena bāhunā parirambhitām jagāma hṛc-chaya-vaśaṁ sahasaiva vimohitaḥ
6.1.62		stambhayann ātmanātmānaṁ yāvat sattvaṁ yathā-śrutam na śaśāka samādhātuṁ mano madana-vepitam
6.1.63		tan-nimitta-smara-vyāja- graha-grasto vicetanaḥ tām eva manasā dhyāyan sva-dharmād virarāma ha
6.1.64		tām eva toṣayām āsa pitryeṇārthena yāvatā grāmyair manoramaiḥ kāmaiḥ prasīdeta yathā tathā
6.1.65		viprāṁ sva-bhāryām aprauḍhāṁ kule mahati lambhitām visasarjācirāt pāpaḥ svairiṇyāpāṅga-viddha-dhīḥ
6.1.66		yatas tataś copaninye nyāyato ’nyāyato dhanam babhārāsyāḥ kuṭumbinyāḥ kuṭumbaṁ manda-dhīr ayam
6.1.67		yad asau śāstram ullaṅghya svaira-cāry ati-garhitaḥ avartata ciraṁ kālam aghāyur aśucir malāt
6.1.68		tata enaṁ daṇḍa-pāṇeḥ sakāśaṁ kṛta-kilbiṣam neṣyāmo ’kṛta-nirveśaṁ yatra daṇḍena śuddhyati

Donate to Bhaktivedanta Library