Bhaktivedanta Library


Library Home Śrīla Prabhupāda ISKCON Languages English Español Pусский Português English - Español English - Pусский English - Português Español - Pусский Español - Português Pусский - Português Authors Books Basics Reference Essays Narrative by Ācaryas Philosophical by Ācaryas By Śrīla Prabhupāda The Great Classics About Śrīla Prabhupāda Narrative by Prabhupāda's Disciples Philosophical by Prabhupāda's Disciples Magazines All the Library Websites ISKCON Virtual Temple Virtual Istagosthi Vaiṣṇava Calendar Kṛṣṇa West

Śrīmad-Bhāgavatam
Canto 11 - General History
<< 16 - The Lord’s Opulence >>

Index

Transliteration

Devanagari

Description


11.16.1		śrī-uddhava uvāca tvaṁ brahma paramaṁ sākṣād anādy-antam apāvṛtam sarveṣām api bhāvānāṁ trāṇa-sthity-apyayodbhavaḥ
11.16.2		uccāvaceṣu bhūteṣu durjñeyam akṛtātmabhiḥ upāsate tvāṁ bhagavan yāthā-tathyena brāhmaṇāḥ
11.16.3		yeṣu yeṣu ca bhūteṣu bhaktyā tvāṁ paramarṣayaḥ upāsīnāḥ prapadyante saṁsiddhiṁ tad vadasva me
11.16.4		gūḍhaś carasi bhūtātmā bhūtānāṁ bhūta-bhāvana na tvāṁ paśyanti bhūtāni paśyantaṁ mohitāni te
11.16.5		yāḥ kāś ca bhūmau divi vai rasāyāṁ vibhūtayo dikṣu mahā-vibhūte tā mahyam ākhyāhy anubhāvitās te namāmi te tīrtha-padāṅghri-padmam
11.16.6		śrī-bhagavān uvāca evam etad ahaṁ pṛṣṭaḥ praśnaṁ praśna-vidāṁ vara yuyutsunā vinaśane sapatnair arjunena vai
11.16.7		jñātvā jñāti-vadhaṁ garhyam adharmaṁ rājya-hetukam tato nivṛtto hantāhaṁ hato ’yam iti laukikaḥ
11.16.8		sa tadā puruṣa-vyāghro yuktyā me pratibodhitaḥ abhyabhāṣata mām evaṁ yathā tvaṁ raṇa-mūrdhani
11.16.9		aham ātmoddhavāmīṣāṁ bhūtānāṁ suhṛd īśvaraḥ ahaṁ sarvāṇi bhūtāni teṣāṁ sthity-udbhavāpyayaḥ
11.16.10		ahaṁ gatir gatimatāṁ kālaḥ kalayatām aham gunāṇāṁ cāpy ahaṁ sāmyaṁ guṇiny autpattiko guṇaḥ
11.16.11		guṇinām apy ahaṁ sūtraṁ mahatāṁ ca mahān aham sūkṣmāṇām apy ahaṁ jīvo durjayānām ahaṁ manaḥ
11.16.12		hiraṇyagarbho vedānāṁ mantrāṇāṁ praṇavas tri-vṛt akṣarāṇām a-kāro ’smi padāni cchandasām aham
11.16.13		indro ’haṁ sarva-devānāṁ vasūnām asmi havya-vāṭ ādityānām ahaṁ viṣṇū rudrāṇāṁ nīla-lohitaḥ
11.16.14		brahmarṣīṇāṁ bhṛgur ahaṁ rājarṣīṇām ahaṁ manuḥ devarṣīṇāṁ nārado ’haṁ havirdhāny asmi dhenuṣu
11.16.15		siddheśvarāṇāṁ kapilaḥ suparṇo ’haṁ patatriṇām prajāpatīnāṁ dakṣo ’haṁ pitṝṇām aham aryamā
11.16.16		māṁ viddhy uddhava daityānāṁ prahlādam asureśvaram somaṁ nakṣatrauṣadhīnāṁ dhaneśaṁ yakṣa-rakṣasām
11.16.17		airāvataṁ gajendrāṇāṁ yādasāṁ varuṇaṁ prabhum tapatāṁ dyumatāṁ sūryaṁ manuṣyāṇāṁ ca bhū-patim
11.16.18		uccaiḥśravās turaṅgāṇāṁ dhātūnām asmi kāñcanam yamaḥ saṁyamatāṁ cāham sarpāṇām asmi vāsukiḥ
11.16.19		nāgendrāṇām ananto ’haṁ mṛgendraḥ śṛṅgi-daṁṣṭriṇām āśramāṇām ahaṁ turyo varṇānāṁ prathamo ’nagha
11.16.20		tīrthānāṁ srotasāṁ gaṅgā samudraḥ sarasām aham āyudhānāṁ dhanur ahaṁ tripura-ghno dhanuṣmatām
11.16.21		dhiṣṇyānām asmy ahaṁ merur gahanānāṁ himālayaḥ vanaspatīnām aśvattha oṣadhīnām ahaṁ yavaḥ
11.16.22		purodhasāṁ vasiṣṭho ’haṁ brahmiṣṭhānāṁ bṛhaspatiḥ skando ’haṁ sarva-senānyām agraṇyāṁ bhagavān ajaḥ
11.16.23		yajñānāṁ brahma-yajño ’haṁ vratānām avihiṁsanam vāyv-agny-arkāmbu-vāg-ātmā śucīnām apy ahaṁ śuciḥ
11.16.24		yogānām ātma-saṁrodho mantro ’smi vijigīṣatām ānvīkṣikī kauśalānāṁ vikalpaḥ khyāti-vādinām
11.16.25		strīṇāṁ tu śatarūpāhaṁ puṁsāṁ svāyambhuvo manuḥ nārāyaṇo munīnāṁ ca kumāro brahmacāriṇām
11.16.26		dharmāṇām asmi sannyāsaḥ kṣemāṇām abahir-matiḥ guhyānāṁ su-nṛtaṁ maunaṁ mithunānām ajas tv aham
11.16.27		saṁvatsaro ’smy animiṣām ṛtūnāṁ madhu-mādhavau māsānāṁ mārgaśīrṣo ’haṁ nakṣatrāṇāṁ tathābhijit
11.16.28		ahaṁ yugānāṁ ca kṛtaṁ dhīrāṇāṁ devalo ’sitaḥ dvaipāyano ’smi vyāsānāṁ kavīnāṁ kāvya ātmavān
11.16.29		vāsudevo bhagavatāṁ tvaṁ tu bhāgavateṣv aham kimpuruṣānāṁ hanumān vidyādhrāṇāṁ sudarśanaḥ
11.16.30		ratnānāṁ padma-rāgo ’smi padma-kośaḥ su-peśasām kuśo ’smi darbha-jātīnāṁ gavyam ājyaṁ haviḥṣv aham
11.16.31		vyavasāyinām ahaṁ lakṣmīḥ kitavānāṁ chala-grahaḥ titikṣāsmi titikṣūṇāṁ sattvaṁ sattvavatām aham
11.16.32		ojaḥ saho balavatāṁ karmāhaṁ viddhi sātvatām sātvatāṁ nava-mūrtīnām ādi-mūrtir ahaṁ parā
11.16.33		viśvāvasuḥ pūrvacittir gandharvāpsarasām aham bhūdharāṇām ahaṁ sthairyaṁ gandha-mātram ahaṁ bhuvaḥ
11.16.34		apāṁ rasaś ca paramas tejiṣṭhānāṁ vibhāvasuḥ prabhā sūryendu-tārāṇāṁ śabdo ’haṁ nabhasaḥ paraḥ
11.16.35		brahmaṇyānāṁ balir ahaṁ vīrāṇām aham arjunaḥ bhūtānāṁ sthitir utpattir ahaṁ vai pratisaṅkramaḥ
11.16.36		gaty-ukty-utsargopādānam ānanda-sparśa-lakṣanam āsvāda-śruty-avaghrāṇam ahaṁ sarvendriyendriyam
11.16.37		pṛthivī vāyur ākāśa āpo jyotir ahaṁ mahān vikāraḥ puruṣo ’vyaktaṁ rajaḥ sattvaṁ tamaḥ param aham etat prasaṅkhyānaṁ jñānaṁ tattva-viniścayaḥ
11.16.38		mayeśvareṇa jīvena guṇena guṇinā vinā sarvātmanāpi sarveṇa na bhāvo vidyate kvacit
11.16.39		saṅkhyānaṁ paramāṇūnāṁ kālena kriyate mayā na tathā me vibhūtīnāṁ sṛjato ’ṇḍāni koṭiśaḥ
11.16.40		tejaḥ śrīḥ kīrtir aiśvaryaṁ hrīs tyāgaḥ saubhagaṁ bhagaḥ vīryaṁ titikṣā vijñānaṁ yatra yatra sa me ’ṁśakaḥ
11.16.41		etās te kīrtitāḥ sarvāḥ saṅkṣepeṇa vibhūtayaḥ mano-vikārā evaite yathā vācābhidhīyate
11.16.42		vācaṁ yaccha mano yaccha prāṇān yacchedriyāṇi ca ātmānam ātmanā yaccha na bhūyaḥ kalpase ’dhvane
11.16.43		yo vai vāṅ-manasī saṁyag asaṁyacchan dhiyā yatiḥ tasya vrataṁ tapo dānaṁ sravaty āma-ghaṭāmbu-vat
11.16.44		tasmād vaco manaḥ prāṇān niyacchen mat-parāyaṇaḥ mad-bhakti-yuktayā buddhyā tataḥ parisamāpyate

Donate to Bhaktivedanta Library