Bhaktivedanta Library


Library Home Śrīla Prabhupāda ISKCON Languages English Español Pусский Português English - Español English - Pусский English - Português Español - Pусский Español - Português Pусский - Português Authors Books Basics Reference Essays Narrative by Ācaryas Philosophical by Ācaryas By Śrīla Prabhupāda The Great Classics About Śrīla Prabhupāda Narrative by Prabhupāda's Disciples Philosophical by Prabhupāda's Disciples Magazines All the Library Websites ISKCON Virtual Temple Virtual Istagosthi Vaiṣṇava Calendar Kṛṣṇa West

Śrīmad-Bhāgavatam
Canto 10 - The Summum Bonum
<< 86 - Arjuna Kidnaps Subhadrā, and Kṛṣṇa Blesses His Devotees >>

Index

Transliteration

Devanagari

Description


10.86.1		śrī-rājovāca brahman veditum icchāmaḥ svasārāṁ rāma-kṛṣṇayoḥ yathopayeme vijayo yā mamāsīt pitāmahī
10.86.2-3		śrī-śuka uvāca arjunas tīrtha-yātrāyāṁ paryaṭann avanīṁ prabhuḥ gataḥ prabhāsam aśṛṇon mātuleyīṁ sa ātmanaḥ duryodhanāya rāmas tāṁ dāsyatīti na cāpare tal-lipsuḥ sa yatir bhūtvā tri-daṇḍī dvārakām agāt
10.86.4		tatra vai vārṣitān māsān avātsīt svārtha-sādhakaḥ pauraiḥ sabhājito ’bhīkṣṇaṁ rāmeṇājānatā ca saḥ
10.86.5		ekadā gṛham ānīya ātithyena nimantrya tam śraddhayopahṛtaṁ bhaikṣyaṁ balena bubhuje kila
10.86.6		so ’paśyat tatra mahatīṁ kanyāṁ vīra-mano-harām prīty-utphullekṣaṇas tasyāṁ bhāva-kṣubdhaṁ mano dadhe
10.86.7		sāpi taṁ cakame vīkṣya nārīṇāṁ hṛdayaṁ-gamam hasantī vrīḍitāpaṅgī tan-nyasta-hṛdayekṣaṇā
10.86.8		tāṁ paraṁ samanudhyāyann antaraṁ prepsur arjunaḥ na lebhe śaṁ bhramac-cittaḥ kāmenāti-balīyasā
10.86.9		mahatyāṁ deva-yātrāyāṁ ratha-sthāṁ durga-nirgatāṁ jahārānumataḥ pitroḥ kṛṣṇasya ca mahā-rathaḥ
10.86.10		ratha-stho dhanur ādāya śūrāṁś cārundhato bhaṭān vidrāvya krośatāṁ svānāṁ sva-bhāgaṁ mṛga-rāḍ iva
10.86.11		tac chrutvā kṣubhito rāmaḥ parvaṇīva mahārṇavaḥ gṛhīta-pādaḥ kṛṣṇena suhṛdbhiś cānusāntvitaḥ
10.86.12		prāhiṇot pāribarhāṇi vara-vadhvor mudā balaḥ mahā-dhanopaskarebha- rathāśva-nara-yoṣitaḥ
10.86.13		śrī-śuka uvāca kṛṣṇasyāsīd dvija-śreṣṭhaḥ śrutadeva iti śrutaḥ kṛṣṇaika-bhaktyā pūrṇārthaḥ śāntaḥ kavir alampataḥ
10.86.14		sa uvāsa videheṣu mithilāyāṁ gṛhāśramī anīhayāgatāhārya- nirvartita-nija-kriyaḥ
10.86.15		yātrā-mātraṁ tv ahar ahar daivād upanamaty uta nādhikaṁ tāvatā tuṣṭaḥ kriyā cakre yathocitāḥ
10.86.16		tathā tad-rāṣṭra-pālo ’ṅga bahulāśva iti śrutaḥ maithilo niraham-māna ubhāv apy acyuta-priyau
10.86.17		tayoḥ prasanno bhagavān dārukeṇāhṛtaṁ ratham āruhya sākaṁ munibhir videhān prayayau prabhuḥ
10.86.18		nārado vāmadevo ’triḥ kṛṣṇo rāmo ’sito ’ruṇiḥ ahaṁ bṛhaspatiḥ kaṇvo maitreyaś cyavanādayaḥ
10.86.19		tatra tatra tam āyāntaṁ paurā jānapadā nṛpa upatasthuḥ sārghya-hastā grahaiḥ sūryam ivoditam
10.86.20		ānarta-dhanva-kuru-jāṅgala-kaṅka-matsya- pāñcāla-kunti-madhu-kekaya-kośalārṇāḥ anye ca tan-mukha-sarojam udāra-hāsa- snigdhekṣaṇaṁ nṛpa papur dṛśibhir nr-nāryaḥ
10.86.21		tebhyaḥ sva-vīkṣaṇa-vinaṣṭa-tamisra-dṛgbhyaḥ kṣemaṁ tri-loka-gurur artha-dṛśaṁ ca yacchan śṛṇvan dig-anta-dhavalaṁ sva-yaśo ’śubha-ghnaṁ gītaṁ surair nṛbhir agāc chanakair videhān
10.86.22		te ’cyutaṁ prāptam ākarṇya paurā jānapadā nṛpa abhīyur muditās tasmai gṛhītārhaṇa-pāṇayaḥ
10.86.23		dṛṣṭvā ta uttamaḥ-ślokaṁ prīty-utphulānanāśayāḥ kair dhṛtāñjalibhir nemuḥ śruta-pūrvāṁs tathā munīn
10.86.24		svānugrahāya samprāptaṁ manvānau taṁ jagad-gurum maithilaḥ śrutadevaś ca pādayoḥ petatuḥ prabhoḥ
10.86.25		nyamantrayetāṁ dāśārham ātithyena saha dvijaiḥ maithilaḥ śrutadevaś ca yugapat saṁhatāñjalī
10.86.26		bhagavāṁs tad abhipretya dvayoḥ priya-cikīrṣayā ubhayor āviśad geham ubhābhyāṁ tad-alakṣitaḥ
10.86.27-29		śrāntān apy atha tān dūrāj janakaḥ sva-gṛhāgatān ānīteṣv āsanāgryeṣu sukhāsīnān mahā-manāḥ pravṛddha-bhaktyā uddharṣa- hṛdayāsrāvilekṣaṇaḥ natvā tad-aṅghrīn prakṣālya tad-apo loka-pāvanīḥ sa-kuṭumbo vahan mūrdhnā pūjayāṁ cakra īśvarān gandha-mālyāmbarākalpa- dhūpa-dīpārghya-go-vṛṣaiḥ
10.86.30		vācā madhurayā prīṇann idam āhānna-tarpitān pādāv aṅka-gatau viṣṇoḥ saṁspṛśañ chanakair mudā
10.86.31		śrī-bahulāśva uvāca bhavān hi sarva-bhūtānām ātmā sākṣī sva-dṛg vibho atha nas tvat-padāmbhojaṁ smaratāṁ darśanaṁ gataḥ
10.86.32		sva-vacas tad ṛtaṁ kartum asmad-dṛg-gocaro bhavān yad ātthaikānta-bhaktān me nānantaḥ śrīr ajaḥ priyaḥ
10.86.33		ko nu tvac-caraṇāmbhojam evaṁ-vid visṛjet pumān niṣkiñcanānāṁ śāntānāṁ munīnāṁ yas tvam ātma-daḥ
10.86.34		yo ’vatīrya yador vaṁśe nṛṇāṁ saṁsaratām iha yaśo vitene tac-chāntyai trai-lokya-vṛjināpaham
10.86.35		namas tubhyaṁ bhagavate kṛṣṇāyākuṇṭha-medhase nārāyaṇāya ṛṣaye su-śāntaṁ tapa īyuṣe
10.86.36		dināni katicid bhūman gṛhān no nivasa dvijaiḥ sametaḥ pāda-rajasā punīhīdaṁ nimeḥ kulam
10.86.37		ity upāmantrito rājñā bhagavāḻ loka-bhāvanaḥ uvāsa kurvan kalyāṇaṁ mithilā-nara-yoṣitām
10.86.38		śrutadevo ’cyutaṁ prāptaṁ sva-gṛhāñ janako yathā natvā munīn su-saṁhṛṣṭo dhunvan vāso nanarta ha
10.86.39		tṛṇa-pīṭha-bṛṣīṣv etān ānīteṣūpaveśya saḥ svāgatenābhinandyāṅghrīn sa-bhāryo ’vanije mudā
10.86.40		tad-ambhasā mahā-bhāga ātmānaṁ sa-gṛhānvayam snāpayāṁ cakra uddharṣo labdha-sarva-manorathaḥ
10.86.41		phalārhaṇośīra-śivāmṛtāmbubhir mṛdā surabhyā tulasī-kuśāmbuyaiḥ ārādhayām āsa yathopapannayā saparyayā sattva-vivardhanāndhasā
10.86.42		sa tarkayām āsa kuto mamānv abhūt gṛhāndha-kūpe patitasya saṅgamaḥ yaḥ sarva-tīrthāspada-pāda-reṇubhiḥ kṛṣṇena cāsyātma-niketa-bhūsuraiḥ
10.86.43		sūpaviṣṭān kṛtātithyān śrutadeva upasthitaḥ sa-bhārya-svajanāpatya uvācāṅghry-abhimarśanaḥ
10.86.44		śrutadeva uvāca nādya no darśanaṁ prāptaḥ paraṁ parama-pūruṣaḥ yarhīdaṁ śaktibhiḥ sṛṣṭvā praviṣṭo hy ātma-sattayā
10.86.45		yathā śayānaḥ puruṣo manasaivātma-māyayā sṛṣṭvā lokaṁ paraṁ svāpnam anuviśyāvabhāsate
10.86.46		śṛṇvatāṁ gadatāṁ śaśvad arcatāṁ tvābhivandatām ṇṛṇāṁ saṁvadatām antar hṛdi bhāsy amalātmanām
10.86.47		hṛdi-stho ’py ati-dūra-sthaḥ karma-vikṣipta-cetasām ātma-śaktibhir agrāhyo ’py anty upeta-guṇātmanām
10.86.48		namo ’stu te ’dhyātma-vidāṁ parātmane anātmane svātma-vibhakta-mṛtyave sa-kāraṇākāraṇa-liṅgam īyuṣe sva-māyayāsaṁvṛta-ruddha-dṛṣṭaye
10.86.49		sa tvaṁ śādhi sva-bhṛtyān naḥ kiṁ deva karavāma he etad-anto nṛṇāṁ kleśo yad bhavān akṣi-gocaraḥ
10.86.50		śrī-śuka uvāca tad-uktam ity upākarṇya bhagavān praṇatārti-hā gṛhītvā pāṇinā pāṇiṁ prahasaṁs tam uvāca ha
10.86.51		śrī-bhagavān uvāca brahmaṁs te ’nugrahārthāya samprāptān viddhy amūn munīn sañcaranti mayā lokān punantaḥ pāda-reṇubhiḥ
10.86.52		devāḥ kṣetrāṇi tīrthāni darśana-sparśanārcanaiḥ śanaiḥ punanti kālena tad apy arhattamekṣayā
10.86.53		brāhmaṇo janmanā śreyān sarveṣām prāṇinām iha tapasā vidyayā tuṣṭyā kim u mat-kalayā yutaḥ
10.86.54		na brāhmaṇān me dayitaṁ rūpam etac catur-bhujam sarva-veda-mayo vipraḥ sarva-deva-mayo hy aham
10.86.55		duṣprajñā aviditvaivam avajānanty asūyavaḥ guruṁ māṁ vipram ātmānam arcādāv ijya-dṛṣṭayaḥ
10.86.56		carācaram idaṁ viśvaṁ bhāvā ye cāsya hetavaḥ mad-rūpāṇīti cetasy ādhatte vipro mad-īkṣayā
10.86.57		tasmād brahma-ṛṣīn etān brahman mac-chraddhayārcaya evaṁ ced arcito ’smy addhā nānyathā bhūri-bhūtibhiḥ
10.86.58		śrī-śuka uvāca sa itthaṁ prabhunādiṣṭaḥ saha-kṛṣṇān dvijottamān ārādhyaikātma-bhāvena maithilaś cāpa sad-gatim
10.86.59		evaṁ sva-bhaktayo rājan bhagavān bhakta-bhaktimān uṣitvādiśya san-mārgaṁ punar dvāravatīm agāt

Donate to Bhaktivedanta Library